دلده آرام و قراریم آنایوردوم دورباش

مهد عرفان و ادبسن نه واریم سندندی

دهریده دارو نداریم آنایوردوم دورباش

گوزل آدونله همیشه اوزومه فخر ادیرم

شوکتم ،شان و وقارم آنا یوردوم دورباش

علوی ملکی گوروم حق سنی آباد السون

منم ایستکلی نگاریم آنا یوردوم دورباش

اهل بیته گوره سنده گوزل عاشقلره وار

بودی هر یرده شعاریم آنایوردوم دورباش

آندولا غسل و کفن سیز یاتان عاشقلریوه

دیلده و ار سوز و شراریم آنایوردوم دورباش

صدصد باد خزاندان نه غمیم دنیاده

سن سن عالمده بهاریم آنایوردوم دورباش

دوزدی سندن اوزاقام کاش ئولن وقتیمده

قازیلا سنده مزاریم آنایوردوم دورباش

گنه غربتده داریخسا دیجک فرهنگی

سنده دی چشم خماریم آنا یوردوم دورباش